Прэзiдэнт Украiны сустрэўся з каталiцкiмi бiскупамi краiны.
Прэзiдэнт Украiны Вiктар Юшчанка спаткаўся 5 лiстапада з каталiцкiмi бiскупамi краiны.
Пад час сустрэчы ён паведамiў, што ў чэрвенi бягучага года накiраваў пасланне Свяцейшаму
Айцу Бенедыкту XVI°, у якiм запрасiў яго наведаць Украiну. Пад час сустрэчы абмяркоўвалiся
адносiны дзяржавы i Цэркваў, а таксама роля Рыма-каталiцкай Царквы ва Украiне. Прэзiдэнт
адзначыў, што дзяржава з аднолькавай павагай ставiцца да ўсiх Цэркваў, якiя клапоцяцца
аб маральным умацаваннi, еднасцi i дабрабыце грамадзянаў. Спадар Юшчанка ўпэўнены,
што супрацоўнiцтва дзяржаўных ворганаў i рэлiгiйных арганiзацый з’яўляецца вельмi
важным для духоўнага адраджэння народа i павiнна развiвацца належным чынам. Кiраўнiк
дзяржавы адзначыў, што Украiна мае глыбокую заiнтэрэсаванасць у развiццi агульнаеўрапейскага
дыялога талерантнасцi i ўзаемнай духоўнай падтрымкi. “Вiзiт ва Украiну Свяцейшага
Айца Яна Паўла II° у 2001 годзе меў выключнае значэнне для краiны як складаючай часткi
еўрапейскай духоўнасцi i цывiлiзацыi”, - зазначыў Вiктар Юшчанка.