Kisha në Azi vijon misionin e saj të dialogut e të ungjillëzimit: komunikatë e këshillit
të posaçëm të sinodit të ipeshkvijve për Azinë.
(4.12.2006 RV)Për fat të keq edhe në kontekstin aziatik ndjehet rritja e trysnisë
negative të shekullarizmit, që ndikon mbi institucionin familjar e rrezikon të pakësojë
edhe numrin e thirrjeve për jetë meshtarake e rregulltare. E kjo, sepse Kisha katolike,
në vijim të misionit të saj, ndesh vështirësi serioze për shkak të cënimit të lirisë
fetare. Gjendja bëhet edhe më e rëndë në zonat e tronditura nga lufta e nga dhuna.
Kështu shkruhet më komunikatën përfundimtare të takimit të dhjetë të këshillit të
posaçëm të sekretarisë së përgjithshme të sinodit të ipeshkvijve për Azinë. Në këtë
dokument përfundimtar, publikuar dje nga Salla e Shtypit e Selisë së Shenjtë, nënvizohet
se gjatë takimit, u vu theksi posaçërisht mbi dy argumente jashtzakonisht aktuale:
thirrjet për rrugën e meshtarisë dhe të jetës rregulltare dhe dialogu ndërfetar.