Në Blinisht, thirrje të reja për rrugën rregulltare, në gjurmët e martirëve.
(3.12.2006 RV)Pikërisht në ditën
e parë të Kohës së Ardhjes, nga Misioni katolik i Blinishtit na vijnë lajme që flasin
për shpresa, gjallëri e vazhdimësi: në 6 fshatrat e misionit, 5 vajza të reja kanë
hyrë në rrugën e pjekurisë së thirrjes për jetë rregulltare. Dy janë të Kongregatës
së Motrave Apostulle të Zemrës së Krishtit, dy të Kongregatës të Regulltareve Venerini,
një e Motrave të don Alberionit. Kjo e fundit do të bëjë kushtet e përjetshme më 12
dhjetorin e ardhshëm në Kishën Blinishtit, kushtuar Shenjorëve Martirë shqiptarë. Në
këtë ditë Atë Daniel Dajani, jezuit, dëshmitar historik i fesë në Shqipëri, kremton
100- vjetorin e ditëlindjes. Shprehemi kështu, sepse me dëshminë e tij, ai mbeti
gjithnjë i gjallë në zemrat e besimtarëve, gjë që e dëshmon edhe kremtimi i ardhshëm.
E gjithë kjo ngjall një atmosferë të gëzuar në prag të Kohës së Ardhjes.