У Маскве прайшоў круглы стол, прысвячаны прамове Бенедыкта XVI° у Рэгінсбургу.
Круглы стол “Вера і розум у хрысціянскім вопыце”, прысвячаны прамове Свяцейшага Айца
Бенедыкта XVI° у баварскім горадзе Рэгінсбург, прайшоў напрыканцы лістапада ў памешканні
культурнага цэнтра “Духоўная бібліятэка”. У спатканні прынялі ўдзел рэктар каталіцкай
семінарыі ў Санкт-Пецярбургу святар Паоло Пеццы; журналіст газеты “Iзвестія” Максім
Сакалоў; філосаў, дырэктар Iнстытута сінэргійнай антрапалогіі Сяргей Харужій; супрацоўнік
радыё “Радонеж” Уладзімір Можегаў і іншыя. У якасці вядучага выступіў галоўны рэдактар
часопіса “Фома” Уладзімір Легойда. Адкрыў спатканне кіраўнік культурнага цэнтра “Духоўная
бібліятэка” Жан-Франсуа Тіры. Сяргей Харужый у сваёй прамове адзначыў, што, перад
тым як прачытаў Рэгенсбургскую прамову Свяцейшага Айца, да яго дайшлі чуткі аб яе
“публічным успрыняцці”. Калі ж ён асабіста прачытаў згаданую прамову, то зразумеў,
што гэта – “дасканалы твор хрысціянскага мысліцеля”, творы якога спадар Харужый чытаў
і раней. Гэта творы кардынала Язэпа Рацынгера, па меркаванню расейскага навукоўца,
“спакойнага, класічнага, укарэненага ў гісторыі веранавучання”. Па словах Сяргея Харужага,
яго ўразіў кантраст рэальнага зместу прамовы з яе публічнай трактоўкай. Каб зразумець
прыроду гэтага кантраста, лічыць ён, мала быць філосафам – трэба быць спецыялістам
па міжнародным адносінам. Што ж тычыцца зместу прамовы, то праблема спаткання веры
і розума абсалютна “класічная і акадэмічная”. У тым, што тычыцца рэакцыі на прамову,
то тут спадар Харужый зазначыў: “Я бачу чарговае сведчанне таго, як глыбока рушыла
наперад еўрапейская думка ў дабрахвотнай адмове ад разумных, культурных, духоўных
асноў”, - зазначыў навуковец.