Біскуп Падовезе, Апостальскі вікарый Анатоліі выказаў свае меркаванні на конт візіту
Свяцейшага Айца ў Турцыю.
Візіт Свяцейшага Айца ў Турцыю падтрымае і ўмацуе маленькую грамаду католікаў гэтай
краіны, упэўнены біскуп Луіджы Падовезе, Апостальскі вікарый Анатоліі. Выступаючы
ў штаб-кватэры італьянскага аддзялення каталіцкай дабрачыннай арзанізацыі “Царква
ў патрэбе”, біскуп Падовезе адзначыў, што сама прысутнасць католікаў і “асабліва каталіцкіх
святароў у Турцыі рэзка “кантрастуе” з турэцкім нацыяналізмам”. “Таму візіт Папы
не толькі падтрымае, але і ўмацуе ў нас хрысціянскую самасвядомасць. З-за таго, што
каталіцкая грамада ў краіне такая маленькая, мы часта імкнемся быць меньш заўважальнымі,
каб пазбегнуць сур’ёзных цяжкасцяў сацыяльнага і рэлігійнага характара”, - падкрэсліў
монс. Падовезе. Ён дадаў, што сярод мноства туркаў існуе меркаванне аб неабходнасці
паніжэння колькасці хрысціянаў у краіне. “У невялікіх гарадках і вёсках ёсць касцёлы
без вернікаў. Часта мясцовыя ўлады прыймаюць рашэнне аб канфіскацыі гэтых будынкаў.
Многія католікі накіроўваюць сваіх дзяцей вучыцца за мяжу, і яны ўжо не вяртаюцца.
Многія католікі не маюць годных месцаў працы, па-большасці яны займаюцца фізічнай
працай”, - заявіў прэлат. Ён дадаў, што ў гэтай сітуацыі Царква ў Турцыі адмовілася
ад місіянарскай дзейнасці, але яна адкрыта для ўсіх людзей, якія выяўляюць зацікаўленне
да хрысціянства. Кожны чалавек можа прыйсці ў храм і паразмаўляць са святаром.