Papa Benedikti XVI shpreh dhimbjen për viktimat që ka shkaktuar aksidenti në një minierë
të Polonisë.
(23.11.2006 RV)Në një telegram ngushëllimi, drejtuar kryeipeshkvit të Katovices,
Damian Zimon, Papa shprehu dhimbjen e tij të thellë për fatkeqësinë që ndodhi, të
martën e kaluar, në minierën e qymyrgurit të Halembës, në Poloni, në të cilën vdiqën
23 minatorë. Tragjedia ndodhi pas shpërthimit të gazit grizù, që shkaktoi rritjen
e temperaturës në 1. 500 gradë ndër galeritë e minierës, në thellësi njëmijë metra,
ku minatorët po mbyllnin një pus të dëmtuar gjatë një aksidenti të ngjashëm me këtë
të fundit, që shkaktoi një fatkeqësi të re.