Baritoria e krishterë e sëmundjet ngjitëse: për këtë do të flitet nga 23 nëntori
në Konferencën ndërkombëtare në Vatikan.
(21.11.2006 RV)Kujdesi baritor e shëndetësor për njerëzit me sëmundje ngjitëse,
të cilat sot shkaktojnë mijëra viktima: për këtë do të flitet në Konferencën ndërkombëtare
organizuar nga Këshili Papnor për baritorinë e shëndetit. Dikasteri Papnor i ka paraqitur
Kongregatës për Doktrinën e Fesë një studim lidhur me përdorimin e profilaktikëve. Në
shekullin e 21-të quhen Sida, Sars e përsëri turberkuloz e tingëllojnë si tingëllonin
dikur kolera, lija e murtaja. Po cilat janë aspektet baritore, por edhe politikat
më të mira shëndetësore e sjellet personale për përballimin e problemit të këtyre
sëmundjeve ngjitëse? Kësaj pyetjeje do të përpiqet t’i japë përgjigje Konferenca ndërkombëtare
organizuar nga Këshilli Papnor i baritorisë për shëndetin, që do të mbahet nga 23
deri më 25 nëntor, me pjesëmarrjen e 530 specialistëve. Simpoziumi u paraqit sot në
Sallën e Shtypit të Vatikanit dhe u ndoq me vëmendje të madhe nga gazetarët, sidomos
përsa i përket çështjes së përdorimit të mjeteve për parandalimin e Sidës.