Патрыярх Алексій II° выказаў падзяку Бенедыкту XVI° за дапамогу ў адбудове праваслаўнага
храма.
Патрыярх Маскоўскі і ўсёй Русі Алексій II° выказаў падзяку Свяцейшаму Айцу за фінансавую
дапамогу ў аднаўленні Троіцкага сабора, які пацярпеў ад пажара ў жніўні гэтага года.
Папа ахвяраваў на гэта 10.000 еўро. “Сардэчна дзякую за перададзенае ахвяраванне
на аднаўленне пацярпеўшага ад пажару Троіцкага Iзмайлаўскага сабора ў горадзе Санкт-Пецярбургу,
які з’яўляецца ўнікальным помнікам архітэктуры”, - гаворыцца ў пасланні, змешчанам
на афіцыйным сайце Маскоўскага Патрыярхата. Галава РПЦ МП падкрэсліў, што разглядае
ўдзел кіраўніка Ватыкана ў аднаўленні “гэтага Божага дома як знак шчырай любові да
РПЦ, што, безумоўна, можа служыць асновай да далейшага развіцця ўзаемных сувязей у
духу хрысціянскага братства і ўзаемнай дапамогі”, - зазначыў Алексій II°. “Карыстаючыся
нагодай, хачу засведчыць Вашай Святасці сваю глыбокую павагу і пажадаць Божай дапамогі
ў Вашым высоком і адказным служэнні”, - сказана ў пасланні Парыярха Маскоўскага і
ўсёй Русі, накіраваным да галавы Каталіцкай Царквы.