Ipeshkvi i Orlandos, imzot Tomas Venski, në një letër drejtuar sekretares së Shtetit
amerikan, Kondoliza Rajs, kërkon më shumë siguri për të krishterët irakianë.
(1.11.2006 RV)Imzot Tomas Venski, ipeshkëv i Orlandos dhe kryetar i Komitetit
të politikës ndërkombëtare pranë Konferencës ipeshkvnore të SHBA, e kërkon këtë duke
vërejtur keqësimin e vazhdueshëm të kushteve të jetesës të të krishterëve në Irak,
ku situata bëhet çdo ditë më shqetësuese e alarmante, për shak të tronditjes së thellë
të rendit civil e të respektit ndërfetar. Për ta përmirësuar këtë gjendje, ipeshkvi
kërkon krijimin e një zone admnistrative të varur nga qeveria e Bagdadit rreth Ninives,
ku gjysma e popullsisë është e krishterë.