Miratohet Kushtetuta e Serbisë, por statusi i Kosovës çështje tjetër.

(30.10.06 RV) Komisioni Evropian përshëndet rezultatin e referendumit mbi Kushtetutën e re në Serbi, por thekson se problemi i “statusit të ardhshëm të Kosovës” është çështje tjetër.
Kushtetuta është miratuar me një numër tejet të vogël votash mbi të nevojshmet. Vetëm 52,31% e votave për dokumentin që e konsideron Kosovën pjesë përbërëse të Serbisë. Morën pjesë në referendum vetëm rreth 54% e popullsisë që ka të drejtën e votës, duke rrezikuar kështu anullimin e referendumit. Gjithashtu, lista e zgjedhjeve është e 2001-shit dhe nuk përfshin pjesën më të madhe të popullsisë së Kosovës.
Sipas zëdhënëses së Komisarit evropian për zgjerimin, Oli Rehn, mbi statusin e Kosovës po punon i dërguari i OKB-së, Marti Ahtisari, prandaj Evropa do të presë propozimet e tij. Ndërkaq, gazeta të ndryshme sot në Kosovë kanë shprehur idenë se Ahtisari do të propozojë pavarësi të kushtëzuar. Për hollësira të dëgjojmë Rabije Ibrajn nga Prishtina