Архіў Яна Паўла II° будзе перавезены з Рыма ў Польшчу.
Запіскі Папы-нябожчыка Яна Паўла II будуць накіраваныя з Рыма ў Польшчу. У нядзелю
22 кастрычніка ў інтэрв’ю польскаму радыё былы асабісты сакратар Папы, кракаўскі арцыбіскуп
кардынал Станіслаў Дзівіш, паведаміў, што ўсе запіскі Свяцейшага Айца будуць апрацаваныя
і змешчаны ў архіў Цэнтра імя Яна Паўла II у Кракаве. “Трэба даць магчымасць людзям
навукі ўбачыць, апрацаваць і выкарыстаць гэтыя матэрыялы. Гэта вялікі архіў”, - сказаў
кардынал Дзівіш. Цяпер усе запісы Папы-нябожчыка знаходзяцца ў Польскім доме ў
італьянскай сталіцы.