У нядзелю 22 кастрычніка Свяцейшы Айцец адгаварыў з вернікамі Багародзічную малітву
"Анёл Паньскі".
У нядзелю 22 кастрычніка а 12 гадзіне сярэдняеўрапейскага часу Свяцейшы Айцец Бенедыкт
XVI° адгаварыў разам з вернікамі Багародзічную малітву “Анёл Паньскі”. У сваім казанні
Папа зазначыў, што місія аб’яўлення Эвангелля паходзіць з сэрца поўнага любові да
Бога, як гэта, напрыклад, было ў выпадку са Святым Францішкам. Свяцейшы Айцец таксама
прыгадаў аб 80-м Сусветным дне місіянаства і заклікаў да міра ўсіх мусульманаў, якія
адзначылі апошні дзень свята рамадан. Папа заклікаў таксама варожыя бакі аб спыненні
узброеных дзеянняў у Iраку. Гэта краіна, - зазначыў Бенедыкт XVI°, - патрабуе
падтрымкі ўсяго свету, каб выйсці з драматычнай сітуацыі насілля, якое штодзённа суправаджаецца
праліццём крыві. Гаворачы аб крызісе ў гэтай азіяцкай краіне Папа зазначыў: “Падзяляю
занепакоенасць хрысціянскай грамады Iтака і жадаю запэўніць, што я вельмі блізкі да
яе і да ўсіх ахвяраў і прашу ўсіх іх набрацца сілы і цярплівасці. Акрамя таго, запрашаю
вас далучыцца да маёй малітвы да Усемагутнага, каб Ён надзяліў нас верай і храбрасцю,
што так неабходны рэлігійным кіраўнікам і палітыкам , як мясцовым так і сусветнага
ўзроўня, каб падтрымаць іракскі народ на шляху да аднаўлення сваёй Бацькаўшчыны, у
пошуках раўнавагі, узаемнай павагі, у зразуменні таго, што разнабаковасць яе складу
ёсць часткай яе багацця”. Звярнуўшыся да тэмы місіянарства, Папа сцвердзіў, што
яно павінна “паходзіць з сэрца” і што абавязкам кожнага хрысцьяніна ёсць “накіроўваць
Добрую навіну” да ўсіх. Місіянарства павінна быць заснаваным на “радасці” і “адвазе”,
якія павінны, у сваю чаргу, суправаджацца адказнасцю кожнага хрысцьяніна ў тым, што
тычыцца распаўсюджвання Эвангелля. Пасля адгаварэння Багародзічнай малітвы Свяцейшы
Айцец паблаславіў усіх прысутных вернікаў і турыстаў і надзяліў ім сваё Апостальскае
блаславенства.