Радыё Ватыкана далучаецца да віншаванняў, што сёння, 21 кастрычніка атрымлівае шаноўны
кардынал Казімір Свёнтак : ад сваіх духоўных дзяцей - католікаў Беларусі і беларусаў
з цэлага свету, а таксама ўсіх людзей, якіх напрацягу доўгаплённага жыцця сустрэў
наш каталіцкі патрыярх .Кардынал Казімір з'яўляецца сведкам і ахвярай пераследвання
каталіцкай веры ,будаўніком яе адраджэння на Беларусі.
AD MULTOS ANNOS !
Апостальскi адмiнiстратар Пінскай дыяцэзіі Кардынал Казімір Свёнтэк , Арцыбіскуп Мітрапаліт
Мінска-Магілёўскі на пенсіі, неаднаразова быў госцем эфіру нашай беларускай праграмы.
На чале пілігрымкі католікаў Беларусі да Рыму вітаў на беларускай мове свайго старэйшага,
хаця па гадах і маладзейшага, сябра і паплечніка ў справе Гасподняе - Папу Яна Паўла
2. Эмінэнцыя Казімір стаяў ля вытокаў адраджэння хрысціянскае Царквы на Беларусі,
якой не даваў загінуць ад самога пачатку свайго пастырскага паслугоўвання ў цяжкія
часы атэістычных ганенняў. Кардынал Казімір Свёнтэк нарадзіўся ў 1914 г. у Эстоніі
ў Вальку, ахрышчаны быў у Рызе. Калі яму было 3 гады, яго сям'ю саслалі ў Сібір. Пасля
заканчэння Вышэйшай духоўнай семінарыі ў Пінску 8 красавіка 1939 г. ў тамтэйшай катэдры
ён быў высвечаны на святара і скіраваны на працу ў Пружаны. Тут быў арыштаваны і асуджаны
на смерць. Два месяцы знаходзіўся ў камеры смерці. Вайна, якая распачалася ў 1941
г., не дала выканаць пачварны прысуд. У 1944 г. малады святар зноў быў арыштаваны
і асуджаны на 10 гадоў лагераў, дзе цяжка працаваў - спачатку ў Сібіры, а потым
у Інце каля Варкуты,за Палярным кругам. Выйшаўшы на волю ў 1954 г., ён апынуўся ў
Пінску. Нарэшце настала доўгачаканая хвіліна, калі можна было адправіць Святую Імшу
ў касцёле. Дзякуючы працы ксяндза Казіміра Свёнтка яшчэ тады адбудавана Пінская катэдра
-адна з першых адбудаваных святыняў на Беларусі. Kсёндз Казімір перадусім думаў і
рабіў усё магчымае, каб будаваць жывы Касцёл - Народ Божы, жывымі камянямі якога з'яўляюцца
вернікі.Канец 80-х і пачатак 90-х гадоў прынеслі доўгачаканую свабоду рэлігіі. Пастырская
актыўнасць кс. пралата Казіміра Свёнтка, яго адданасць справе Касцёла, незвычайныя
арганізатарскія здольнасці, аўтарытэт і пашана сярод святароў не засталіся не заўважанымі
Апостальскаю Сталіцаю. Святы Айцец Ян Павел ІІ у 1991 г. прызначыў яго першым Мітрапалітам
новастворанай Мінска-Магілёўскай Мітраполіі і Апостальскім Адміністратарам Пінскай
дыяцэзіі. Ва ўзросце 77 гадоў новы Мітрапаліт распачаў сваё біскупскае служэнне.
Ён візітуе парафіі, устанаўлівае дэканаты, стварае патрэбныя для Касцёла структуры,
бароніць правы вернікаў, актыўна ўдзельнічае ў Сінодзе біскупаў у 1991 г., у пасяджэннях
Рады Канферэнцыі Біскупаў Еўропы і іншых сусветных касцёльных арганізацыях, на міжнародных
форумах, канферэнцыях і г.д. У 1994 г. Святы Айцец Ян Павел ІІ падносіць яго да
годнасці кардынала - найвышэйшая адзнака, якая можа быць у Касцёле. Гэта прызнанне
заслугаў не толькі таленавітага святара і біскупа, але і мужнага і мудрага сведкі
веры. Гэта таксама прызнанне пазіцыі Царквы Беларусі і ягонай ролі ў сусветным Касцёле.
Ксёндз кардынал яшчэ з большай энергіяй і адвагай складае праграму адраджэння
духоўнасці і падрыхтоўкі каталіцкага Касцёла на Беларусі да Вялікага Юбілею 2000 Года.
У гэтай праграме асаблівае месца прысвечана розным пастырскім праграмам, адбудове
святыняў і найперш Мінскай архікатэдры, а таксама працы Сіноду Мінска-Магілёўскай
архідыяцэзіі Пінскай і Віцебскай (якая далучылася да Сіноду пасля яе ўтварэння) дыяцэзій,
які ксёндз кардынал распачаў у 1996 г. Знамянальны дэвіз Сіноду: «Усё аднавіць у Хрысце».
11 лютага 1999 г. ксёндз кардынал Казімір Свёнтэк быў абраны першым старшынёй Канферэнцыі
Каталіцкіх Біскупаў у Беларусі - гэта падкрэслівае яго вядучую ролю ў Касцёле і ў
краіне. 27 верасня 2004 г. Святы Айцец Ян Павел ІІ уручыў кардынару Казіміру Свёнтку,
арцыбіскупу Мітрапаліту Мінска-Магілёўскаму, спецыяльную ўзнагароду “Fidei testis”
(Сведка веры), прысуджаную Інстытутам Паўла VI. 14 чэрвеня 2006 г. Святы Айцец Бэнэдыкт
XVI прыняў прашэнне аб вызваленні ад пастырскага кіраўніцтва Мінска-Магілёўскай архідыяцэзіяй,
прадстаўленае Яго Эмінэнцыяй кардыналам Казімірам Свёнткам у адпаведнасці з Кодэксам
Кананічнага Права, кан. 401, § 1. Кардынал Казімір з'яўляецца сведкам і ахвярай
пераследвання каталіцкай веры , будаўніком яе адраджэння на Беларус,якое пачынаў
і працягвае штодня. Сто Лят!