Свяцейшы Айцец накіраваў кардынала А. Содано сваім спецыяльным пасланцом на святкаванне
Дня свабоды ў Венгрыю.
“Шляхетна і справядліва бараніць і захоўваць права ўласнай свабоды і рэлігіі”, -
зазначыў Свяцейшы Айцец Бенедыкт XVI° у сваім лісце былому Дзяржаўнаму сакратару Ватыкана
і Дэкану Калегіі кардыналаў назначыўшы яго сваім пасланцом на святкаванне Дня свабоды
Венгрыі ў Будапеште, які будзе адзначацца 22 і 23 кастрычніка бягучага года. Гэта
свята нагадвае аб падзеях 1956 года, калі Венгыя спрабавала вызваліцца ад камуністычнай
дыктатуры. Паўстанне было жорстка падаўлена войскамі Варшаўскага дагавора. “Сапраўдная
свабода, - сцвердзіў Папа, цытуючы дакументы II Ватыканскага сабора, - з’яўляецца
ў чалавеку прывілейным знакам Боскага падабенства, і тыя, хто ў выніку гэтага пацярпелі
пераследаванні і былі забітыя, годныя адпаведнай памяці”. Гаворачы аб 50 гадавіне
“гераічнай абароны нацыянальнай свабоды” у Венгрыі, Бенедыкт XVI° заклікае ўсіх, але
перад усім тых, што “займаюцца выхаваннем, паклапаціцца аб падрыхтоўцы такіх людзей,
якія, пры агульным прызнанні маральных каштоўнасцей, здолілі б падпарадкоўвацца законным
уладам, будучы, адначасова, абаронцамі сапраўднай свабоды”.