Агульная аўдыенцыя Папы у сераду 11 кастрычніка

Адбылася яна на Плошчы Сьвятога Пятра. Прыбыло на яе шмат вернікаў і паломнікаў з кожнага кутку сьвету. Была гэта ўжо 36-я сустрэча Папы Бэнэдыкта 16-га з вернікамі ў гэтым годзе.
Сьвяцейшы Айцец, у часе сёньняшняе аўдыенцыі, працягваў свой цыкл пра Апосталаў Хрыста. Менавіта затрымаўся над двума Апосталамі Сымонам з Кананэі ды Юдаю Тадэвушам

Новы Запавет не дае многа вестак аб іх, але заўсёды пералічвае ў сьпіску 12-х Апосталаў.
Мянушка Сымона ўказвае, што калі ён не належаў да радыкальнае нацыяналістычнае партыі Зэлётаў, то безумоўна турбаваўся пра зьберажэньне гэбрэйскае тоеснасьці. Дзеля гэтага мусіў быць ідэалагічна далёка ад мытніка Мацьвея- сказаў Папа- аднак абодва былі пакліканыя, здолелі перамагчы усе розьніцы і цяжкасьці ды як Вучні Хрыста зьбераглі еднасьць.
Юда Тадэвуш, ў сваю чаргу, якому традыцыя прыпісвае адно з Пасланьняў Новага Запавету, намагаецца перасьцерагчы усіх хрысьціян перад тымі, якія пад прычынаю асаблівага Божага выбраньня, ўводзяць ў Царкве нязгоду. Сьцвярджае- сказаў далей Сьвяцейшы Айцец- што тыя, якія спрычыняюць падзелы ёсьць цялесныя і не маюць духа. Дзеля гэтага заклікае да даверлівасьці Божай Міласэрнасьці і да турботы пра адзінства Царквы у духу любові Хрыста.
На заканчэньне аўдыннцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Бласлвенства.