Papa bekoi shtatoren e Edit Shtain në Shën Pjetër.
(11.10.2006 RV) Shtatorja e Shenjtores, bashkëpajtore e Evropës me Shën Brigjidën
e me Shën Katerinën e Sienës, u vendos në një nga kamaret e jashtme të bazilikës së
Vatikanit. Kujtojmë se Edit Shtain, hebreje gjermane, filozofe karmelitane, vdiq
martire në kampin e përqëndrimit nazist të Aushvicit, në gusht të vitit 1942. Papa
e kujtoi gjatë vizitës së tij në Aushvic më 28 majin e kaluar, duke nënvizuar se Edit
Shtain është një nga dëshmitaret e së vërtetës e të së mirës, që nuk kishin marrë
fund në gjirin e popullit gjerman edhe në këtë periudhë të vështirë. I falënderojmë
këta njerëz – theksoi Benedikti XVI - sepse nuk iu nënshtruan pushtetit të së keqes
e tani shkëlqejnë si drita në natën e errët. “Bota është në flakë – shkruante
në ato vite të tmerrshme Edit Shtain – është ndezur më shumë se kurrë lufta e tmerrshme
ndërmjet Krishtit e antikrishtit, prandaj duhet ta kemi mirë parasysh se, po të radhitemi
me Krishtin, mund të na kërkohet të flijojmë edhe jetën!”.