РЫМ-САФІЯ: У Балгарыю хутка прыбудуць часцінкі мошчаў Святога Георгія. Яны будуць
пачываць у праваслаўнай царкве Святога Георгія горада Руссе, ахоўнікам якога і з'яўляецца
гэты герой першахрысциянства, паднесены да хвалы Алтароў.
Каб прыняць каштоўны дар і суправаджаць яго са Святога Пасаду прыбыў Мітрапаліт неафіт.
Цырымонія перадачы адбылася ў базіліцы святога Яна Латэранскага - адной з 4 галоўных
цэркваў каталіцкага свету. З радаснай нагоды праваслаўны балгарскі Мітрапаліт сказаў:
"Гэты акт узаемнасці і духоўнай радасці ў імя Хрыста будзе новым сведчаннем на шляху
нашага набліжэння ў сумесным пошуку міра, стваральнай дзейнасці і ўзрастання ў дабры,
любові, згодзе між нашымі Цэрквамі і народамі". Прыгадаем, што праваслаўная балгарская
грамада Рыму мае для сваіх Боскіх літургій адзін са славутых храмаў Вечнага горада
- святых Вікенція і Анастазія ля славутага фантана Трэві. Перад адбыццём на
радзіму Мітрапаліт Неафіт прыняў удзел у сустрэчы Грамады Святога Эгідыя на Тыбрскім
востраве Рыма ў старажытнай царкве святога Барталамея.