Папа прыняў новага пасла Албаніі пры Апостальскай сталіцы.
Свяцейшы Айцец Бенедыкт XVI° падтрымаў намер Албаніі зрабіцца членам ЕС. “Албанія
можа ўнесці асаблівы ўклад у аб’яднанне Еўропы, - заявіў Папа, прыймаючы вярыцельные
граматы новага пасла гэтай краіны пры Апостальскай сталіцы. Пад час кароткай цэрымоніі,
якая адбылася ў папскай загараднай рэзідэнцыі Кастэльгандольфо 29 верасня, Свяцейшы
Айцец з павагай гаварыў пра албанскі народ, чыё імкненне “да праўды і свабоды заўсёды
было шчырым. Яго не здоліла спыніць нават працяглая камуністычная дыктатура. “Менавіта
гэты дух, - падкрэсліў Свяцейшы Айцец, - павінен дапамагчы сёняшняй Албаніі падтрымліваць
высілкі па захаванню еўрапейскай культуры, якая адлюстроўвае праўду аб чалавечай натуры”. Гаворачы
аб ролі Царквы ў албанскім грамадстве, Папа прыпомніў аб прыкладзе Маці Тэрэзы, албанкі,
якая “абвяшчала ўсім, што Бог ёсць любоў і Ён любіць усіх людзей, асабліва бедных
і пакінутых”. “Царква, - зазначыў Свяцейшы Айцец, - жадае сведчыць аб гэтай любові
праз адукацыйную і сацыяльную дзейнасць”.