У Літве пачаў дзейначаць закон, які абмяжоўвае змяшчэнне гараскопаў у СМI.
З 1 верасня ў Літве пачаў дзейнічаць закон, які забавязвае СМI паведамляць аб няпэўнасці
гараскопаў і прадказанняў. Такім чынам законатворцы імкнуцца абараніць грамадзянаў
ад іх адмоўнага ўплыву. Згодна з новай рэдакцыяй закона аб інфармаванні грамадскасці,
арганізатары публічнай інфармацыі “не павінны ствараць уражанне, што астролагі, хіраманты,
экстрасэнсы, біаэнэргетыкі могуць даваць парады аб будучым, аб здароўі, грошах і г.д.”. Па
словах старшыні працоўнай групы камітэта Сейма па навуке, адукацыі і культуры Аудроне
Пітренене, закон не накіраваны на тое, каб гараскопы і прадказанні не з’яўляліся ў
СМI. Яны па-ранейшаму будуць друкавацца, гучаць па радыё і паказвацца па тэлебачанню.
Проста да іх павіннен дадавацца каментарый, што прадстаўленая інфармацыя не з’яўляецца
спраўджаным фактам. У якой форме гэта трэба рабіць, вырашае само кожнае выданне. “Мы
не жадаем, каб СМI злоўжывалі, заахвочваючы грамадзянаў верыць прадказанням і гараскопам,
таму і прынялі такі закон. Гэта прэвінтыўная мера, якая будзе дзейнічаць не адзін
год”, - зазначыла спадарыня Пітренене. Са свайго боку прадстаўнікі Каталіцкай
Царквы Літвы спакойна аднесліся да закона і ўстрымаліся ад яго каментарыяў. Айцец
Ленгінас Вірбалас не здзіўляецца жаданню людзей ведаць сваю будучыню. “Гэта робіцца
розным чынам, у тым ліку і пры дапамозе гараскопаў, якія заместа таго, каб заахвочваць
чалавека самастойна вырашаць свае праблемы і браць на сябе адказнасць за свае дзеянні,
даюць розныя неабгрунтаваныя прапановы”, - сказаў святар. “Вера ў гараскопы прыніжае
чалавека, які з поўнавартаснага свабоднага і адказнага чалавека робіцца няздольным
узяць на сябе адказнасць за ўласнае жыццё і лёс”, - дадаў а. Ленгінас.