РЫМ-КІЕЎ: У рымска - каталіцкі храм Устанаўлення Святога Крыжа ва ўкраінскай сталіцы
перададзеная часцінка самога Крыжа Гасподняга. Урачыстая перадача з рук пробашча
адпаведнай рымскай базілікі - Святога Крыжа ў Ерусаліме - адбылася пры вялікім народным
маленні ўсіх хрысціянаў.
Прыгадаем, што Крыж, на якім быў укрыжаваны Госпад наш Езус Хрыстус, у 4 стагоддзі
прывезла да Рыму імператрыца Алена - маці Роўнаапостальнага Канстантына Вялікага.
Каб пераканацца, што гэта сапраўды дрэва, якое сталася Дрэвам жыцця пасля ўкрыжавання
Госпада, Алена падводзіла да яго хворых. Менавіта іхнае цудадзейнае аздараўленне
і сталася знакам таго, што першахрысціяне гераічна сапраўды здолелі перахаваць арыгінальны
Часны Крыж праз 300 гадоў. Рэліквія адтады захоўваецца ў Рыме, у спецыяльна ўзведзеным
храме. Часцінкі яго былі ў старажытнасці раздадзеныя галоўным хрысціянскім мясцовым
Цэрквам, у тым ліку і тым, якія пасля расколу 1054 года сталі называцца праваслаўнымі.
Цяпер ў Кіеве фрагмент Крыжа Гасподнега будзе хавацца назаўсёды. Ён знаходзіцца ў
шкле, якое ўпраўлена ў вялікі крыж.Урачыстую перадачу ажыццявіў пробашч Рымскай базілікі
айцец Сімоне Фьёразо, а прыняў рэліквію біскуп Станіслаў Шырокарадзюк.Ён зазначыў:"Гэта
адбылася ў асаблівым месцы: менавіта гэты каталіцкі храм быў адзіным, які дзейнічаў
у часы Савецкага Саюза ў Кіеве. Гэтая рэліквія, - кажа біскуп, так важная для нас,
як дарожныя указальнікі - для аўтамабісліста, каб мець бяспеку на шляху, бо знак
Крыжа - указальнік на дарозе Збаўлення."