Польскія і украінскія вернікі наведалі сумнавядомы Майданек.
22 верасня ва Украіне адбылася пілігрымка прыгаданая да Дзён “Майданэка”. Гэта падзея
злучана з духоўным пасланніцтвам блаславёнага пакутніка Емельяна Коўча – грэка-каталіцкага
святара, які загінуў у канцэнтрацыйным лагеры “Майданэк” з-за таго, што дапамагаў
гебрэям. У пілігрымцы прынялі ўдзел біскупы і святары Каталіцкай Царквы з Украіны
і Польшчы, былыя вязні канцэнтрацыйнага лагера і шмат маладых вернікаў. Мерапрыемства
адбылося пад патранатам галавы УГКЦ Любаміра Гузара і Люблянскага Мітрапаліта, арцыбіскапа
Юзефа Жыцінскага. Арцыбіскуп Жыцінскі, гаварыў аб актуальнасці пазыцыі і навукі
а.Емеляна Коўча і ўручыў статуэткі “Memoria iustorum” (памяць праведных) некаторым
удзельнікам спаткання. Iх атрымалі тыя ўкраінцы і палякі, якія пад час Другой сусветнай
вайны выступалі за прымірэнне і згоду паміж украінцамі і палякамі. Урачыстую літургію
на прыканцы пілігрымкі ўзначалілі мітрапаліт Перамышлска-Варшаўскі Iван Мартыняк і
мітрапаліт Люблінскі Юзеф Жыцінскі. У Майданэку была ўпершыню цэлебравана Богаслужба
ва усходняй традыцыі, пад час якой з казаннем звярнуўся да вернікаў грэка-каталіцкі
епіскап з Iвана-Франкоўска Сафрон Мудры.