Агульная Аўдыенцыя Папы у сераду 27 верасьня

Адбылася яна на Плошчы Сьвятога Пятра. Сёньня ў Рыме было вельмі прыгожае надвор”е дык на сустрэчу з Папам прыбыло шмат вернікаў і паломнікаў з кожнага кутку сьвету. Была гэта ўжо 34 сустрэча Папы Бэнэдыкта 16 з вернікамі ў гэтым годзе.
Сьвяцейшы Айцец, ў часе сёньняшняе аўдыенцыі, працягваў свой цыкл пра Апосталаў. Менавіта катахэза была прысьвечаная Апосталу Тамашу. Эвангэльлі ўспамінаюць аб некалькіх важных здарэньнях, ў якіх Тамаш удзельнічаў.

Сьвяты Апостал Ян успамінае, што калі Ісус выбіраўся ў Бэтанію, блізка Ерусаліму і пагражала Яму сьмяротная небясьпека, Тамаш паклікаў іншых Апосталаў сказаўшы ім: “Пойдзем таксама і мы, каб разам з Ім памерці”. Выказаў такім чынам- сказаў далей Папа Бэнэдыкт 16—поўную адданасьць і гатоўнасьць пайсьці за Настаўнікам нават на сьмерць. У часе Апошняе Вячэры на запытаньне Тамаша Ісус сказаў славутае сфармуляваньне: “Я ёсьць Дарога, Праўда і Жыцьцё”. У канцы гэта Тамашу- сказаў на заканчэньне сваёй катахэзы Сьвяцейшы Айцец- пасьля Таямніцы Пасхі Хрыстос паказаў свае раны на знак Уваскрасеньня.
На заканчэньне аўдыенцыі Папа прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.