Takim ndërfetar për pajtimin e paqen në Elbasan.

(26.9.2006. RV) Atmosfera e tensionuar ndërmjet katolikëve e myslimanëve, krijuar pas fjalimit të Papës Benedikti XVI në Regensburg, u ndje edhe në Shqipëri, ku pati edhe shkëmbime mendimesh ndërmjet besimtarëve të dy feve. Por, në përkim me traditën e bashkëjetesës e të mirëkuptimit që ka karakterizuar gjithnjë marrëdhëniet ndërfetare, dialogu qe përgjithësisht pozitiv, pa polemika e aq më pak konflikte, si u vërejt edhe në një takim të mbajtur këto ditë në Elbasan, për të cilin na flet bashkëpunëtorja jonë, Mariza Strati: