Багародзічная малітва "Анёл Гасподні" ў нядзелю 24 верасьня
А паўдні, ў нядзелю 24-га верасьня, Папа Бэнэдыкт 16 сустрэўся, ў сваёй летняй
рэзыдэнцыі, ў КастэльГандольфо, з вернікамі, якія прыбылі туды, каб супольна з Папам
адгаварыць гэтую малітву. У сваёй прамове, перад ёйным адгаварэньнем , Сьвяцейшы
Айцец сказаў, між іншым: “Хто любіць той служыць не думаючы аб сабе. Кожны чалавек,
нават калі і памыліцца ды прыходзіць у заняпад, ёсьць прыцяганы любоў”ю. Перамагаючы
уласны эгаізм ён стае здольным да поўнага дару з сябе. Далей Папа зьвярнуў увагу
на прыклад хрысьціян, якія пакорліва і без розгаласу аддаюць сваё жыцьцё на служэньне
іншым з огляду на Ісуса Хрыста, канкрэтна ангажуючыся як слугі любові і хадайнікі
міру. Ад некаторых з
іх патрабуецца часам найвышэйшага сьведчаньня крыві, як мела гэта месца некалькі
дзён таму назад у прыпадку італьянскае законніцы, манашкі Леонэльлі Сгорбаті, якая
стала ахвяраю насільля. Гэтая законніца, ад многіх гадоў паслугоўвала ўбогім ды найменшым
у Самаліі, паміраючы высказала словы: “прабачаю”. Вось найбольш сапраўднае хрысьціянскае
сьведчаньне- сказаў Папа—мірны знак супраціўленьня, які паказвае перамогу любові над
нянавісьцю і злом. Сьвяцейшы Айцец прызнаў, што цяжка насьледаваць Хрыста. Аднак
гатоўнасьць аддаць уласнае жыцьцё за Яго і за Яго Эвангэльле, зьяўляецца адзінаю дарогаю
імкненьня да эвангэльскай дасканаласьці. У сувязі з прыпадаючымі ў найбліжэйшы
чацьвер, 28 верасьня, сьвяткаваньнямі Сусьветнага Дня Мора, Папа Бэнэдыкт 16 заахвоціў
да малітвы за рыбакоў, маракоў ды іхнія сем”і. Пахваліў таксама ініцыятыву Міжнароднае
Марское Арганізацыі, якая намемрваецца да барацьбы з убоствам і голадам. На заканчэньне
сустрэчы Папа надзяліў сваё Апосьтальскае Блаславенства на ўсіх вернікаў.