Këshilli Papnor për Laikët reflekton për përtëritjen e famullisë.
(21.9.06 RV) Filluan sot në Romë punimet e Mbledhjes plenare të Këshillit Papnor
për Laikët me temë: “Famullia e rigjetur”: rrugët për ripërtritje”. Në takimin
plenar marrin pjesë rreth 60 anëtarë e këshilltarë të dikasterit, ardhur nga të pesë
kontinentet, që do të diskutojnë rreth kësaj tematike deri të shtunën e ardhshme.
Por, të dëgjojmë imzot Stanislao Rilkon, kryetar i Këshillit Papnor për Laikët: Përgjigje:
- Pavarësisht nga vështirësitë jo të pakta që ndeshen në botën tonë të shekullarizuar,
në të cilën vërehen ndryshime të forta shoqëroro-kulturore, famullia vijon të ruajë
dhe të ushtrojë misionin e saj të domosdoshëm e jashtzakonisht aktual në fushën baritore
e kishtare. Famullia sot, si institucion e si bashkësi, ka nevojë për ripërtritje
të thellë. Famullive tona jo vetëm që mund t’i japim një fëtyrë të re, por e kemi
për detyrë ta bëjmë këtë, duke u impenjuar të gjithë: meshtarët, laikët, shoqatat
dhe lëvizjet kishtare. Pyetje: - Në ç’ rrugë po ecet për ripërtritjen e
famullisë? Përgjigje: - Sot flitet e shkruhet shumë për famullinë, por shpesh
nuk shkohet përtej kritikave e deklaratave. Ne dëshrojmë ta shikojmë problemin me
sy pozitiv e të bëjmë edhe propozime, duke marrë në shqyrtim disa projekte konkrete
për ripëtritjen e famullisë, të cilat tashmë janë praktikuar me sukses në vende të
ndryshme të botës me synimin që t’ia rikthejnë gjallërinë e hovin misionar. Kam parasysh
veçanërisht bashkësitë e bazës të përhapura në Afrikë e në Azi; projektin që njihet
me emrin “Fytyra e re e famullisë” të Lëvizjes për një botë më të mirë; celulat e
ungjillëzimit, një projekt i don Piergjorgjo Perin, që ka nisur në Milano por që tashmë
është përhapur në shumë vende të botës. Nismat nuk mungojnë, janë të shumta, por për
fat të keq, nuk njihen si duhet. E këtyre nismave duhet t’u shtojmë edhe kontributin
e rëndësishëm të veprimit katolik, të lëvizjeve kishtare e të bashkësive të reja. Pyetje:
- Çfarë duhet të jetë famullia? Përgjigje: - Pak kohë më parë këtë temë
e preku Ati i Shenjtë gjatë shtegtimit të tij në Gjermani, duke i nxitur të gjithë
ta bëjnë famullinë atdhe shpirtëror për njerëzit, familje të madhe, në të cilën provojnë
njëkohësisht gëzimin e familjes edhe më të madhe të Kishës universale, duke mësuar
përmes liturgjisë, katekizmit dhe të gjitha veprimtarive të jetës famullitare, të
ecin së bashku në rrugën e jetës së vërtetë. Pyetje: - Nesër do të takoheni
me Papën… Përgjigje: - Presim me padurim ta dëgjojmë fjalën e Tij autoritare,
që për ne është busull e sigurtë, e cila na tregon rrugën e shërbimit. Por sidomos
duam t’i shprehim Atit të Shenjtë solidaritetin tonë të plotë në çastin kur sulmohet
padrejtësisht nga drejtime të ndryshme. E do t’i ofrojmë dhuratën e lutjes sonë, sipas
ndjeteve të Tij.