Imzot Parolin në ANEA: çështja bërthamore iraniane të zgjidhet me rrugë diplomatike.
(20.9.2006 RV)Misioni i rëndësishëm i zhvilluar në Hagë për mospërhapjen e
armëve bërthamore dhe çarmatimin, u theksua nga Imzot Pietro Parolin, në fjalimin
e mbajtur, në emër të Selisë së Shenjtë, para Sesionit të 50-të të Agjensisë Ndërkombëtare
për Energjinë Atomike, punimet e të cilit u hapën në Vjenë të hënën e kaluar. Imzot
Parolin, zevendës-sekretar i Shtetit të Shenjtërisë së Tij për marrëdhëniet me shtetet
dhe kryetar i delegacionit të Vatikanit në takimin e Vjenës, theksoi se Agjensia,
50 vjet pas themelimit të saj, ka mbetur një pikëmbështetje e pazëvendësueshme për
bashkëpunimin ndërkombëtar në përdorimin e energjisë bërthamore për qëllime paqësore
dhe për zhvillimin. E kjo, sepse është mbështetur gjithnjë mbi tri shtylla: “Teknologji,
sigurim e kontroll”. Në përfundim prelati kërkoi që çështja bërthamore iraniane
të zgjidhet me rrugë diplomatike.