Патрыярх Сэрбскае Праваслаўнае Царквы Паўле 18-га верасьня адчыніў у сталіцы Сэрбіі
паседжаньне міжнароднае мешанае камісіі да спраў тэалагічнага дыялогу паміж Каталіцкім
Касьцёлам а Праваслаўнымі Цэрквамі. Працам старшынствуюць: кардынал Вальтэр Каспэр
з боку Каталіцкае Царквы і мітрапаліт Ёанніс з Канстантынопальскага Патрыярхату. Тэмаю
прац паседжаньня, якое будзе працягвацца да 25-га верасьня, ёсьць тэалогія абьяднаньня
з Богам і людзьмі, ў гэтым кананічныя вынікі сакрамантальнай структуры Царквы, асабліва
сувязь паміж калегіяльнасьцю а ўладаю. Многа месца займе таксама пытаньне паслугі
Біскупа Рыму ў паўсюдным абьяднаньні Касьцёла ды таксама пытаньне вуніяцтва. Да камісіі
належыць 60-т тэалогаў, якія прадстаўляюць розныя цэнтры праваслаў”я і каталіцызму.
Праваслаўна- каталіцкі дыялог пачаўся 26 гадоў таму назад і быў плодам візіту Папы
Яна Паўла ІІ ў Канстантынопаль, што наступіла ў 1979-ым годзе. У апошнім часе гэты
дыялог меў вялікія цяжкасьці. Цяпер ўздымаецца пасьля шасьцігадовага перарыву. Ягонае
ўзнаўленьне сталася магчымым дзякуючы стойкім пасрждніцкім дзеяньням уздыманых Янам
Паўлам ІІ ды цяперашнім Папам Бэнэдыктам 16-м, як таксама заангажаваньню Усяленьскага
Патрыярха Барталамея І-га і дзякуючы кантактам з паасобнымі Цэрквамі.