Закончылася Апостаьскае падарожжа Папы Бэнэдыкта 16 у Баварыю
Раніцай, ў чацьвер 14-га верасьня, Сьвяцейшы Айцец пакінуў Рэгэнсбург, каб адправіцца
на верталёйе ў Фрайсінг, дзе ў Саборы гораду сустрэўся з духавенствам і пастаяннымі
Дыяканамі. Пасьля сустрэчы з імі Папа непасрэдна адправіўся на машане ў аэрапорт
ў Мюнхене, каб вярнуўцца ў Ватыкан. На лётнішчы былі прысутныя найвышэйшыя цывільныя
і царкоўныя ўлады Нямеччыне. У сваёй разьвітальнай прамове Бэнэдыкт 16 падзякаваў
усім, што спрычыніліся да гэтага падарожжа. Я прыбыў у Нямеччыну,
каб зноў паставіць перад маімі суродзічамі вечныя праўды Эвангэльля ды пацьвердзіць
веруючых у праналежнасьці да Хрыста, Сына Божага, які стаўся чалавекам дзеля збаўленьня
сьвету. Я перакананы- сказаў Папа- што ў веры ў Яго, ў Ягоным слове, знаходзіцца
дарога не толькі ў асягненьні вечнае радасьці, але таксама дарога ў будаваньні годнае
будучыні чалавека. І цяпер у разьвітаньні з маёй ўзлюбленай Бацькаўшчынай, даручаю
будучыню Баварыі і Нямеччыны, заступніцтву ўсіх Сьвятых, якія жылі на нямецкай зямлі
верна служачы Хрысту. Усім вам маё сардэчнае: да пабачэньня. Самалёт Папы прызямліўся
на рымскім лётнішчы Чампіно, каля гадзіны 14.30 рымскага часу. Такім чынам так закончылася
4-е Апостальскае падарожжа Папы па-за межы Італіі. Мы на хвілінку вернемся да перадапошняга
дня візіту Папы у Баварыю. Менавіта серад 13-га верасьня была прыватным днём. У
праграме візіту былі аднак афіцыяльныя мамэнты. Раніцай Бэнэдыкт 16 адслужыў, разам
са сваім братам, Сьвятую Імшу ў Вышэйшай Духоўнай Сэмінарыі ў Рэгэнсбургу. На прыватных
аўдыенцыях прыняў там таксама сваіх блізкіх і родных. Затым, разам з братам Гэоргам,
пеша прыйшоў у “Альтэ Капэльле”, да старой капліцы, каб пасьвяціць касьцельныя арганы.
У слове да сабраных вернікаў Папа прыпомніў, што гэты Касьцёл “Альтэ Капэльле” з 19-га
стагоддзя, стаўся месцам аднаўленьня царкоўнае музыкі. З “Альтэ Капэльле” Сьвяцейшы
Айцец пайшоў да дому свайго брата, з якім правёў рэшту дня. На начлег, аднак, вярнуўся
да Духоўнае Сэмінарыі ў Рэгэнсбургу.