Ngushëllimet e Papës për vdekjen e mbretit të Tongës.
(13.9.2006 RV) Trupi i mbretit të ndjerë Taufa’ahau Toupou IV u mbart sot nga
qyteti Okland i Zelandës së Re, ku sovrani kaloi orët e fundit të jetës, i shtruar
në spital - në kryeqytetin e shtetit të vogël të arkipelagut të paqësorit, në pritje
të funeralit që parashikohet të kremtohet të martën, më 19 shtator. Në telegramin
drejtuar birit të mbretit të ndjerë dhe gjithë familjes mbretërore Ati i Shenjtë i
siguron për pjesëmarrjen e tij shpirtërore në zinë kombëtare dhe thekson se ia beson
sovranin e ndjerë “mëshirës plot dashuri të Zotit të gjithëpushtetshëm”.