Пачалося Апостальскае Падарожжа Папы Бэнэдыкта 16 ў Баварыю.У суботу 9-га верасьня
Сьвяцейшы Айцец прыляцеў пасля абеду на міжнароднае лётнішча ў Мюнхэне. Там прынялі
яго найвышэйшыя цывільныя і царкоўныя ўлады Нямеччыны. Прыпомнім, што візіт Папы
адбываецца толькі ў Баварыю, ў дыяцэзыю Мюнхэн-Фраяйсінг.Я цешуся з сустрэчы з жыхарамі
Баварыі, з месцаў майго дзяцінства і маладосьці, маёй вучобы і ма ёй працы як выкладчыка
тэалогіі ды як арцыбіскупа Мюнхэну і Фрайсінгу,"—напісаў папярэдне Папа Бэнэдыкт 16
ў лісьце да жыхароў Баварыі, яшчэ перад падарожжам.
Прыпомнім, што візіт Папы адбываецца толькі ў Баварыю, ў дыяцэзыю Мюнхэн-Фраяйсінг.
“ Удуху веры , перажыванай ў супольнасьці, павінен будзе праходзіць гэты візіт , -цытуем
ліст .- Менавіта хрысціянская супольнасьць фармавала на працягу стагоддзяў многія
пакаленьні, якія ў духу Эвангэльля зрабілі вялікі хрысьціянскі ўплыў на людзей Баварыі
і яе культуру," - чытаем далей. Папа выказаў таксама надзею, што ягоны візіт на Бацькаўшчыну
абудзіць радасьць у хрысьціянстве, ўзмацуе адказнасьць веруючых за свой Касьцёл
ды прычыніцца да ажыўленьня сьвятарскіх і законных пакліканьняў сярод нямецкае моладзі.
У сваёй прывітальнай прамове на лётнішчы ў Мюнхэне Сьвяцейшы Айцец сказаў: “Вяртаюся
на Бацькаўшчыну, да людзей, каб адведаць некаторыя месцы, якія мелі вялікую важнасьць
ў маім жыцьці. Прыбываю сюды як Наступнік Сьвятога Пятра, каб яшчэ раз пацьвердзіць
глыбокія вузы, якія існуюць паміж Ватыканам а Касьцёлам нашае Бацькаўшчыны. Гэтыя
вузы маюць шматвяковую гісторыю, якая ўзмацоўвалася вартасьцямі хрысьціянскае веры,
што асабліва бачылася ў Баварыі. " Сьвяцейшы Айцец затым адправіўся да Духоўнае
Сэмінарыі Мюнхену, каб затым паехаць на Плошчу гораду, якая завецца Плошча Марыі (
Марыянпляц). Тут Папа памаліўся і даручыў Баварыю заступніцтву Найсьвятой Дзевы Марыі. Яшчэ
сёньня, ў суботу 9-га верасьня, ў праграме ёсьць візіт ветлівасьці Прэзыдэнту краіны,
спадару Горсту Коглеру; але больш пра гэты візіт ды іншыя падзеі з гэтага падарожжа
слухайце ў нашых наступных праграмах. А вось, што сказалі аб гэтым падарожжы Папы
ў Баварыю біскуп Мільлер з Рэгэнсбургу і кардынал Вэттэр з Мюнгэну-Фрайсінгу: “Візіт
Папы можа прычыніцца да ўстрыманьня сэкулярызацыі. Зьмены ў гэтым напрамку ўжо пачаліся.
Паводле нядаўнага апытаньня , большая частка жыхароў Нямеччыны глядзіць на Папу з
захапленьнем. Пасьля выбару кардынала Ратцынгэра на Наступніка Сьвятога Пятра працэс
“уцяканьня з Касьцёла”, што пачаўся ў 80-х гадах, перастаў нарастаць. Што-больш,
людзі пачынаюць вяртацца да Касьцёла."