30 год рыцары Мальтыйскага ордэну нясуць медыцынскую дапамогу вернікам на плошчы
святога Пятра ў Рыме. Зараз яны ўжо ўсё падрыхтавалі для паломнікаў, што прыбудуць
у Баварыю на сустрэчу з Папам Бенедыктам 16.
Свяцейшы Айцец прыбудзе ў Германію з апостальскім візітам з 9 па 14 верасня. Сустрэча
будзе праходзіць па тэме "Хто верыць, той не адзінокі". Кіраўнік "хуткай дапамогі"
мальтыйцаў у горадзе Трыры спадар Ульрых Матэі , жартуючы, зазначыў, што Папа, як
заўсёды, не будзе адчуваць сябе адзінокім. Напагатове атрад мальтыйцаў не толькі
з Ватыкану, але і 2000 дабраахвотнікаў у самой Нямеччыне, якія будуць уважліва сачыць
за камфортам пілігрымаў з розных краін свету. У Мюнхене, Пассау і Рэгенсбургу маюцца
самастойныя службы .У Трыры - сваіх 20 мальтыйцаў. Пры кожнай сустрэчы сачыць за
сітуацыяй будуць ад паловы да тысячы дабраахвотнікаў. Важнаю часткаю падрыхтаванасці
з'яўляюцца 35 станцый неадкладнай дапамогі і 31 санстанцыя. У дзяжурную брыгаду ўваходзяць
урачы, асістэнты, мяд-сёстры і -браты, санітары ды памочнікі без спецыяльнай падрыхтоўкі.
Кожная са станцый будзе трымаць пад наглядам 25 тысяч паломнікаў. Задзейнічаны 110
транспартных адзінак і атрад матацыклістаў. "А пасля, калі Папа вернецца назад
у Рым, мы будзем побач яго і надалей"- зазначыў кіраўнік хуткай мальтыйскай дапамогі
Ульріх Матэі.