У Анкары каталіцкі святар-немец пачаў праводзіць спецыяльныя курсы па нямецкай мове
для турэцкіх імамаў. Гэта выклікана жаданнем культурна-рэлігійнага набліжэння ісламскіх
рэлігійных дзеячаў , што працуюць для паствы ў Германіі.
Як расказвае журналістам ксёндз Фелікс Кернер, у Нямеччыне многія мусульманскія
святаслужыцелі ізаляваныя, жывуць у нейкім культурным гета. Праграма, прапанаваная
ім, павінна дапамагчы туркам лепш адаптавацца і разумець рэчаіснасць. Ініцыятыву
святара, падтрыманага нямецкім пасольствам, горача адобрыў таксама і дэпартамент па
справах рэлігій Турцыі. Акрамя мовы, курсы знаёмяць са звычаямі і заканадаўствам
Германіі.