Ja argumentet kryesore të programit të 4 shtatorit
Në lutjen e djeshme të Engjëllit të Tenzot në Castel Gandolfo Papa Benedikti XVI propozoi
Papën Gregori i Madh si shembull për barinjtë dhe nëpunësit e administratës. Ndërsa
shtegtarëve gjermanë u tha se mezi ç’pret të takohet me bashkëatdhetarët e tij në
Bavari në udhëtimin që do zhvillojë nga 9 deri me 14 shtator në Gjermani.
U
hap sot në Asizi takimi ndërkombëtar dyditor “Për një botë paqeje, feshë dhe kulturash
në dialog”, promovuar nga bashkësia e Shën Egjidios. Në mikrofonin e Radio Vatikanit
flet Atë Enzo Bianchi.
Sonte në natën e festës liturgjike kushtuar së Lumes
Nënë Terezë vijojmë me rubrikën radiofonike ‘E lumja Nënë Tereze, flakë e dashurisë’.
Kemi zgjedhur, posaçërisht për këtë natë, një uratë të Nënë Terezës drejtuar Zojës
së Bekuar, Virgjërës Mari.
Edhe Katari pranoi të dërgojë afro 200-300 trupa
ushtarake paqëruajtëse në Liban. Ndërkaq përfundoi zbarkimi i ushtarëve italianë dhe
tani priten ushtarët e vendeve të tjera pjesëmarrëse në rivendosjen e paqes në Libanin
jugor.
Një turist britanik u vra sot dhe pesë u plagosën në Aman të Jordanisë
nga një person i armatosur, i cili më pas u arrestua nga policia.
Pas deklaratave
të Beogradit për njëanshmëri të Ahtisarit në çështjen e Kosovës, shefi i politikës
së jashtme të BE Javier Solana tha sot se BE-ian e mbështet tërësisht veprimtarinë
e kryenegociatorit për statusin e Kosovës Marti Ahtisari, dhe porositi Beogradin që
të përgatitet për raundin e ardhshëm të bisedimeve.
Ish-sekretari amerikan
për Sigurinë, dhe ish-guvernatori i Pensilvanisë Tom Ridge u emërua këshilltar i kryeministrit
dhe i qeverisë Berisha. Kryeministri shqiptar tha se politikani amerikan do të vërë
në dispozicion të qeverisë shqiptare përvojën e tij për futjen në NATO, luftën kundër
trafikut, krimit etj.