Gazeta ‘Osservatore Romano’ shkruan: Benedikti XVI nuk është një Papë ambientalist
i improvizuar, por Bari i ndërgjegjshëm që interesohet për mbrojtje të mjedisit e
bënë thirrje të këputet lidhja tragjike ndërmjet degradimit të mjedisit e varfërisë.
(29.8.06. RV) Të këputet lidhja tragjike ndërmjet degradimit të mjedisit e
varfërisë. Kështu tha Papa të dielen e kaluar në pragun e Ditës për mbrojtjen e krijimit,
që Kisha italiane kremton më 1 shtator. “Benedikti XVI nuk është një Papë papritur
ambientalisti improvizuar, siç shkruanin disa gazeta italiane dje por një Bari i ndërgjegjshëm,
ndër detyrat e të cilit bën pjesë edhe thirrja drejtuar besimtarëve për mbrojtjen
dhe ruajtjen e krijimit, dhuratë e Zotit”. Këtë nënvizon gazeta “Osservatore Romano”
sipas të cilit thirrja e Papës Racinger të dielën e kaluar, drejtuar të krishterëve
që të angazhohen për për të treguar kujdes ndaj ambientit, përfaqëson një detyrim
që nuk është vetëm i besimtarëve, por i kapërcen kufijtë e fesë, e bëhet një thirrje
ndaj krejt njerëzimit, që ky të ndërgjegjësohet se planeti ynë është në rrezik serioz.
“Duhet ta kuptojnë të gjithë se Toka nuk është një pus i pafund dhe se ky pus
nuk u është dhënë vetëm disave për shfrytëzim, por për të mirën e të gjithëve.” -vijon
gazeta vatikanase. Prandaj - vijon nota e gazetës “Osservatore Romano” - thirrja
për drejtësi dhe solidaritet është më shumë se kurrë aktuale sot, ashtu si edhe thirrja
për të bërë diçka konkrete për të ndaluar zvetënimin e ambientit dhe për prishjen
e lidhjes tragjike që ky ka me varfërinë. Sipas “Osservatore Romano”-s deri
tani interesat politike dhe ekonomike kanë bërë që takimet e nivelit të lartë ndërkombëtarë
lidhur me ambientin të dështonin me turp, duke i reduktuar madje edhe vetë objektivat
e tyre. “Toka- denoncon e përditshmja e Selisë së Shenjtë - po niset pashmangëshmërisht
drejt vdekjes nëse nuk ndërhyhet në mënyrë efikase, ndërkohë që mijëra persona vdesin,
që tani, çdo ditë”.