Orë ankthi dhe pasigurie për të tre katolikët e dënuar me vdekje në Indonezi.
(23.8.2006 RV)Gjykata e Lartë indoneziane rrëzoi kërkesën e dytë për falje
të tre katolikëve, dënuar me vdekje në ishujt Palu-Suvaleze, duke e përkufizuar si
të papërputhshme me ligjin Nr.22/2002 për faljen. Lajmi u dha nga agjencia AsiaNews,
e cila vë në dukje sesi në vendin aziatik po rritet kori i zërave që kërkojnë heqjen
e dënimit me vdekje. Nga ana tjetër, presidenti Susilo Bambang Youdoyono, të cilit
i përket edhe e drejta e faljes, nuk është shprehur ende. Me 11 gushtin e kaluar Benedikti
XVI u kishte kërkuar autoriteteve indoneziane një akt mëshirimi për motive humanitare.
Thirrja e Papës u dha guxim katolikëve dhe jokatolikëve, të cilët po angazhohen këto
orë për shfuqizimin e dënimit me vdekje në Indonezi.