E Lumja Nënë Tereze, flakë e dashurisë! "Shpresa" (16 gusht)
(16.8.06. RV)Vijojmë me rubriken tonë të përditshme radiofonike kushtuar të
Lumës Nënë Terezës. Vijojmë me rileximin e uratëve, të këshillave e të fjalëve të
Nënë Terezës, fjalë që na pasurojnë shpirtin e na përforcojnë në shtegtimin tonë të
përditshëm. Për sot, dëgjues të nderuar, kemi shkëputur një meditim të shkurtër mbi
‘shpresen’ të mbështetur në Zotin, që nuk na zhgënjen kurrë.
“Duhet të
varemi nga provania e Zotit, të shpresojmë në provaninë e Tij. Ai e di për çka
kemi nevojë. Ai i mban dhe kujdeset për zogjtë e qiellit, Ai e mban dhe vesh
me bukuri natyrën. E, pra, s’jemi ne njerëzit më të dashurit e Tij? Le të jetë
jeta jona në duart e Zotit! Le të shpresojmë në dashurinë e Tij ndaj nesh! Le
t’i bëhemi shpresë njëri-tjetërit!