Заклік Сусветнай рады Цэркваў аб усталяванні міру на Блізкім Усходзе.
Сусветная рада Цэркваў і іншыя хрысціянскія арганізацыі заклікалі пакласці канец
канфлікту паміж Iзраілем і арганізацыяй “Хезболла”. “Мы шакіраваны няспынным насіллем,
смярцямі і зруйнаваннямі, якія адбываюцца ў Ліване, Iзраілі і Палістыне. Iзраіль павінен
тэрмінова пакінуць тэрыторыю Лівана, а “Хезболла” – спыніць узброеныя дзеянні супраць
ізраільцянаў”, - гаворыцца ў супольнай заяве Генеральнага сакратара Сусветнай рады
Цэркваў пастара Самуэля Кобіа, Сусветнай федэрацыі лютэранаў і Сусветнага альянса
рэфармістскіх Цэркваў. Аўтары дакумента заяўляюць, што лік ахвяраў сярод ліванцаў
набліжаецца да тысячы, трэццяя частка з іх – гэта дзеці да 12 гадоў, а лік ізраільцянаў,
якія загінулі ў выніку вайны, хутка асягне 100 чалавек. Акрамя таго, прыкладна
175 палестынцаў, многія з якіх мірныя жыхары, былі забіты пад час вайсковай аперацыі
Iзраіля ў сектары Газа. Падпісаўшыя заяву заклікалі ААН выкарыстаць усе магчымыя
сродкі, каб спыніць праліццё крыві на Блізкім Усходзе.