Shqiperia mbyll zyrtarisht kerkimet e viktimave te helikopterit qe ra ne Adriatik
me 16 korrik.
(10.8.06 RV) Shteti shqiptar mbylli zyrtarisht kërkimet për gjetjen e trupave
të 6 viktimave të helikopterit Bell 222 me të cilin po transportohej politikani Gramoz
Pashko nga Tirana në Bari. Aksidenti ndodhi në detin Adriatik me 16 korrikun e shkuar,
në largësinë 45 milje nga bregdeti shqiptar. Pas afro një muaji kërkimesh, grupi
i ekspertëve arriti në përfundimin se helikopteri ka shpërthyer në ajër, gjë që e
bën të pamundur gjetjen e trupave të viktimave. Funeralet shtetërore do të zhvillohen
të shtunën e ardhshme, në Pallatin e Brigadave në Tiranë. Por ndërkaq operacioni për
nxjerrjen e pjesëve të helikopterit vazhdon.
Një numër tërmetesh të tjera
nga katër deri në pesë shkallë të Rihterit kanë goditur sërish jugun e Shqipërisë.
Nuk ka asnjë viktimë apo të lënduar, përveç disa shtëpive të dëmtuara në fshatin Bilur
të Himarës, kanë njoftuar mediat shqiptare në Tiranë.