U varros sot në Utreht, në Hollandë kardinali Johannes Willebrands, promovues i madh
i bashkimit të të krishterëve dhe të dialogut me hebrejtë.
(8.8.06 RV)Salikimet i kryesoi kardinali Walter Kasper.“Një njeri që deshi
të mishërojë figurën e Bariut të Mirë, që deshi të kujdesej veçanërisht për njerëzit
që ia kishte besuar Zoti. Ky qe kardinali Johannes Willebrands.” Me këto fjalë e përshkroi
figurën e prelatit të ndjerë, që ndërroi jetë me 2 gushtin e shkuar, kardinali Walter
Kasper, kryetar i Këshillit Papnor për promovimin e Bashkimit ndërmjet të Krishterëve,
i cili edhe kremtoi salikimet. Në homelinë e vet kardinali Kasper kujtoi edhe angazhimin
e madh të kardinalit Willebrands për promovimin e një marrdhënie respekti të ndërsjelltë
ndërmjet të krishterëve të bashkësive të ndryshme. “Dëshmia e tij, – tha në mbyllje
kardinali Kasper – ishte një dëshmi jo fjalësh të mëdha, por e rrënjosur tek urata
e përditshme dhe në përshpirtërin e përvuajtur që kishte e, posaçërisht ndaj Nënës
së Zotit.