Зараз у Бягомлі, у школе-інтэрнаце для дзяцей інвалідаў - госці. Італьянцы.
Гэта - дзейснікі дабраахвотнай арганізацыі "IL cavallo bianco (Белы конік)".Яны
апякуюцца дзецьмі,якім не пашчасціла - нарадзіліся з захворваннямі псіхікі. Італьянскімі
і -вось ужо больш за 10 год - беларускімі, што апынуліся у Б ягомлі. Іх тут 140 -
ад 6 да 17 гадоў. Італьянцы - у прыватнасці, прэзідэнт асацыяцыі Гяйя Карлецці
- кажуць, што ім ёсць чаму павучыцца ў справе арганізацыі навучання дзяцей з цяжкімі
умысловымі хваробамі, але й яны могуць чымсьці памагчы. Так, у Італіі ўжо няма падобных
структур. Дзяцей-інвалідаў імкнуцца адаптаваць да грамадства, развіваючы тыя здольнасці,
якія у іх не аднятыя. Прычым, найлепш гэта атрымліваецца, калі такія дзеткі захапляюцца
творчасцю. Дык цяпер італьянцы, акрамя звычайных праграм па прыняццю дзетак на аздараўленне
ў сем'і ці летнікі ў Італіі вырашылі стварыць новы праект: тэрапія мастацтвам.
Як паказаў вопыт з італьянскімі дзецьмі, хворымі на алігафрэнію, удаецца ў многіх
выпадках папярэдзіць для такіх людзей цяжкасці ў сацыяльнай і медычнай сферах, праз
навучанне на курсах мастацкага чытання, стаўлення рамёстваў, гурткоў танцаў, музыкі,
вышывання, малявання - усё, што потым можа ўвайсці ў пастаноўку тэатральных спектакляў. - Еўропа грамадзянскіх правоў для ўсіх - гэта таксама і дом для людзей, што маюць
відавочныя псіхічныя адхіленні. Каля яны з дзяцінства растуць збедненымі на эмоцыі,
кантакты, то вырастаюць халоднымі і агрэсіўнымі. Калі ж іхнае жыццё асвятляецца міласэрднасцю
і любоўю з боку ўсіх, каго яны бачаць, то гэтыя праблемы можна пераадолець.
- Міністэрствы адукацыі і юстыцыі Беларусі з вялікім паразуменнем паставіліся
да праекту, лічачы, што пры поспеху ў Бягомлі можна распаўсюдзіць такі вопыт
"выхавання ў любові" на астатнія 11 інтэрнатаў для дзяцей-алігафрэнаў. Усяго
ж ў Беларусі ў 77 інтэрнатах расце каля 13 тысяч дзяцей. Члены асацыяцыі, акрамя
пералічаных, гэтым сваім ліпеньскім прыездам азначылі яшчэ адну ініцыятыву: адкрылі
сямейны дом. Там будуць жыць былыя выпускнікі Бягомльскай школы-інтэрната.
(голас ) Мы такім чынам хочым, каб усё ж- такі нашы любыя дзеці, што вырасліна
нашых вачах, не былі замкнёныя ў Багушэўскім Доме інвалідаў. Гэта - трэба сказаць
справядліва - вельмі добра абсталяваная і наладжаная ўстанова. Але змяшчэнне туды
азначае адмову ад вонкавага жыцця назаўсёды. Калі мы пачалі,- кажа
Джованні Сансоне, - нават не спадзяваліся, што нашы праекты будуць рэалізоўвацца так
добра. У нашай Асацыяцыі працуюць многія людзі, іншыя матэрыяльна дапамагаюць. Гэта,
ў тым ліку, і людзі з антыкапам - інваліды.Многя з нас на свае вочы сутыкнуўся з праблемаю
і не скарыўся - мы шукаем дарыць радасць, дапамагаем, як можам, і на гэта аддаем высілкі
душы, сэрца, розуму і кашальку. Апошні праект - па пабольшанню сямейных
дамоў, уключае таксама і іншыя формы прыцягнення да дапамогі хворым дзецям мясцовага
насельніцтва Бягомля, ды й ня толькі. Курсы для выхавацеляў, арганізатараў творчых
структур і камп'ютарнай пісьменнасці для дзяцей-інвалідаў будуць запрашаць спецыялістаў
і людзей зацікаўленых з цэлай Беларусі.