Закончыліся летнія канікулы Папы ў ільянскіх горах
Сур”ёзнасьць сітуацыі на Блізкім Усходзе намеціла сёлетнія каніку Сьвяцейшага
Айца ў Ле Комб. Пад вечар, ў пятніцу 28-га ліпеня, Бэнэдыкт 16 вернецца да сваёй
летняй рэзыдэнцыі ў КастэльГандольфо, блізка Рыму. Гэтым самым будуць узноўленыя
сустрэчы Папы з вернікамі, якія адбываюцца кожнае серады. Разьвіцьцё сітуацыі на
Блізкім Усходзе Папа сочыць з вялікаю ўвагаю і неспакоем- сьцвердзіў Ватыканскі Сакратар
Стану. Адначасна кардынал Содано праявіў пэўнае расчараваньне Апостальскай Сталіцы
вынікамі рымскае канфэрэнцыі, скліканай адносна міру на Блізкім Усходзе. У інтэрв”ю
для найбольшае італьянскае газэты “Коррерэ дэльля Сэрра” герарха падкрэсьліў, што
Ватыкан ускладаў, у гэтым шчыце на вярхах, большую надзею. Выказаў аднак надзею,
што ўзьнятыя на гэтай канфэрэнцыі забавязаньні будуць усімі бакамі датрыманыя і хутка
давядуць да спыненьня вайны на Блізкім Усходзе. Ватыканскі Сакратар Стану падкрэсьліў
таксама неабходнасьць неадкладнага ўвядзеньня ў жыцьцё гуманітарнае праграмы, якая
ў нейкай меры дапаможа развязаць трагічную сітуацыю, ў якой знайшліся жыхары Лібану
ды Ізраіля. Спасылаючыся да сваей сустрэчы з прэм”ерам Лібану ватыканскі герарха
сьцвердзіў, што імкнецца ён пакласьці канец трываючаму ўзброеннаму канфлікту.