Ja argumentet kryesore të programit të 25 korrikut
Pushimet e Papës në
Valle d’Aosta në veri të Italisë, karakterizohen nga lutja e pareshtur për paqen në
Lindje të Mesme. Dhuna e njeriut ka një kufi: dashurinë e Krishtit. Ky është mesazhi
që Benedikti XVI bëri në ditën e lutjes e të pendesës për paqen në Lindje të Mesme.
„Shpresat
për ndalimin e armëve dhe rivendosjen e paqes në Lindje të Mesme janë në Konferencën
e paqes që nesër mbahet në Romë, me pjesëmarrje të liderëve kryesorë të bashkësisë
ndërkombëtare.“ shprehet Sekretari i Shtetit të Vatikanit kardinali Sodano.
Në
planin diplomatik shtohen përpjekjet arritjen e armëpushimit në Liban, ndërsa rritet
në më se 400 numri i të vrarëve në vend nga konflikti ndërmjet Izraelit e hezbollahëve.
Ushtria izraeliane përparon në jug të Libanit, dhe vijon me bombardimet e lagjeve
veriore të Beirutit, të banuara nga popullësia shite.
Ka ardhur „çasti
për një Lindje të Mesme të re“: kështu tha sekretarja e shtetit amerikan, Condoleezza
Rice, duke takuar në Jeruzalem kryeministrin izraelit, Olmert i cili pohoi se luftimet
do të vijojnë deri në shkatërrimin e strukturave të hezbollahëve.
Edhe
në Irak, 13 persona kanë vdekur nga shpërthimi i dhunës. Sonte në Shtëpinë e Bardhë
në Uashington kryeministri irakian, Al Maliki u takua me presidentin amerikan Bush.
Kurrfarë marrëveshje mbi statusin e Kosovës. Ky është me pak fjalë rezultati
i takimit të djeshëm në Vjenë ndërmjet delegacionit të Prishtinës e Beogradit.
Nga
aktiviteti i Kishës në trevat shqiptare, do të njihemi me misionet verore në Malësi
të Dukagjinit.
Duke shfletuar kalendarin e sotëm liturgjik, Kisha kremtoi
shën Jakun e madh apostull.