Sipas patrikut Nasrallah Sfeir, Libani duhet të mbetet një hapësirë paqësore bashkëjetese
ndërmjet feve të ndryshme.
(24.7.2006 RV)“Libani duhet të mbetet një hapësirë paqësore bashkëjetese ndërmjet
feve të ndryshme”: kështu u shpreh patriku i kristiano-maronitëve, Nasrallah Sfeir,
në Ditën e lutjes e të pendesës për paqe në Lindjen e Mesme. “Duhet harruar,
në këto rrethana dramatike, gjithçka që mund të përçajë e të shtrëngojmë radhët për
ta përballuar krizën me zemra të pastërta, me ndjete të mira, me shpirt vigjilent,
që ta mbrojmë vendin tonë, i cili është e duhet të mbetet një hapësirë paqësore për
njerëzit e feve të ndryshme”. Kështu u shpreh patriku Nasrallah Sfeir në përfundim
të Meshës për paqen në Lindjen e Mesme, duke pritur myftiun e Tirit, ipeshkvin maronit
dhe ipeshkvin greko katolik të qytetit. Udhëheqësit fetarë biseduan për bashkimin
e të gjithë libanezëve në përpjekjen për liri e paqe. Nga Roma, kryerabini Rikardo
Di Senji, njofton se bashkësia hebraike lutet çdo ditë për viktimat e pafajshme të
konfliktit e se ftesa e Benediktit XVI, që e ka njohur personalisht luftën, është
ngushëllim për besimtarët e të gjitha feve.