Izrael-Liban: Papa, “o Zot dhurona menjëherë paqen”.
(23.7.06 RV)“Lirona prej të gjitha të këqijave e na dhuro paqen, o Zot, jo
nesër apo pasnesër, dhurona paqen sot”. Kjo është lutja shqiptuar nga Ati i Shenjtë
Benedikti XVI në ditën e posaçme kushtuar uratës e pendesës për paqen mes Izraelit
e Libanit, kremtuar sot pasdite nga Papa gjatë vizitës së tij në Kishën famullitare
të Rhemes, pak kilometra nga Les Combes. “Sot në botën shumëkulturore e shumëfetare
– ka nënvizuar Papa duke u folur besimtarëve – ekziston tundimi për të mos folur për
specificitetin e krishtërimit, po kjo është gabim- Pikërisht në këtë moment në të
cilin ekziston një keqëpërdorim i emrit të Zotit – shtoi Papa – lypet pohuar se kryqi
fiton me dashuri, lypet pohuar se fytyra e Zotit është ajo që fiton dhe sjell dritë
e pajtim në botë”. Sipas Atit të Shenjtë Racinger, “sot fitoren e Zotit duhet dëshmuar
përmes jo-dhunës”.