(14.7.2006 R.V.) Mbledhja e radhës e G 8-es përkon me një kohë kur çmimi i
naftës u rrit tej mase, temë për të cilën edhe do të diskutohet në këtë takim. Por
a do të luajë ndonjë rol në ndryshimin e situatës fillimi nga puna i naftësjellësit
të ri Baku —Tbilisi, Gjeorgji – Çejhan, Turqi, që u inaugurua dje? Kësaj pyetjeje
i përgjigjet Luigi Bonanante, docent i marrëdhënieve ndërkombëtare pranë Universitetit
të Torinos.
Përgjigje: Nuk është gjë tjetër veçse parashikimi
i një vjeshte të nxehtë, apo të ftohtë, që na pret. Rusia nuk është më vendi vetëm
i naftës dhe i gazit lokal, por është bërë, sikur e pamë vitin e shkuar, protagoniste
absolute, sepse përveç tjerash bën edhe politikë. Këtu qëndron ndryshimi me vendet
arabe dhe të Lindjes së Mesme.(...) Nuk ka asnjë arsye për rritjen e çmimit të naftës,
prandaj merret me mend rëndësia e këtij naftësjellësi të ri.