Tryezë e rrumbullaktë ekumenike mbi familjen në Elbasan.
(13.7.2006 RV)Ndërsa në Valencia
të Spanjës fillonte Takimi V Botëror i Familjeve, në Elbasan mblidheshin rreth një
tryeze të rrumbullaktë përfaqësues të të gjitha feve për të diskutuar pikërisht për
vlerën e madhe e të pazevendësueshme të familjes, në përkim me traditat shqiptare.
U vu theksi mbi shenjtërinë dhe paprekshmërinë e familjes, si qelizë bazë e shoqërisë,
mbi rolin e jashtzakonshëm të saj në transmetimin e fesë e të vlerave morale. U nënvizua
se në një vatër të shëndoshë familjare fëmijët marrin edukatë paqësore, që i shtyn
pastaj gjithë jetën t’i kundërvihen çdo shfaqjeje të dhunës e të jetojnë në përkim
me parimet morale universale, vlera këto që janë pasuria e vërtetë e shoqërisë së
trazuar shqiptare, e cila – u tha në takim – ka shumë nevojë për ndihmesën e feve
në edukimin shpirtëror të familjeve. Por, për hollësirat, të ndjekim Mariza Stratin: