Папа адпачывае ў італьянскай горнай мясцовасці Валле д'Аоста.
У гэтым годзе Папа Бенедыкт XVI° праводзіць свой летні адпачынак у Валле д’Аоста,дзе
знаходзіцца з 11 і прабудзе да 28 ліпеня. Вось што паведаміў з гэтай нагоды карэспандэнту
нашага Радыё біскуп Джузеппе Анфоссі: “Мы прыймаем Свяцейшага Айца, як дарагога сябра.
Жадаем, каб ён здолеў найлепшым чынам адпачыць, знайшоў час на прагулкі, і, перад
усім, для чытання і разважанняў”. Арганізатары жадаюць захаваць прыватны характар
водпуску Папы; стрыманасць, акрамя іншага, ёсць адметнай рысай характара мясцовых
жыхароў-горцаў. Калі ж размаўляць аб агульных планах, то тыповым парадкам дня
для ёсць цэлебраванне раніцай Святой імшы, пасля гэтага Папа чытае і займаецца неабходнымі
справамі, выходзіць на прагулкі, адпачывае. Біскуп Анфоссі таксама паведаміў,
што Бенедыкта XVI° чакае неспадзяванка нямецкагаворачыя мясцовыя жыхары – у Валле
д’Аоста большасць насельніцтва размаўляе на французскай мове, але маецца і невялікая
грамада з моваю нямецкаю. Яе члены выказалі пажаданне быць прысутнымі пад час Багародзічнай
малітвы “Анёл Панскі” у другую нядзелю адпачынку Папы.