കുടുംബങ്ങളുടെ ആറാം ലോകസമ്മേളനം 2009-ല്‍ മെക്സിക്കോ സിറ്റിയില്‍.

കുടുംബങ്ങളുടെ അടുത്ത ലോകസമ്മേളനം 2009-ല്‍ മെക്സിക്കോ സിറ്റിയില്‍ നടക്കുമ‍െന്ന് പതിനാറാം ബനഡിക്ട് മാര്‍പാപ്പ ഞായറാഴ്ച വലെ൯സ്യയില്‍ പ്രഖ്യാപിച്ചു.  കുടുംബങ്ങളുടെ അഞ്ചാമത് ലോകസംഗമത്തിന്‍റെ സമാപന സമൂഹബലിയില്‍ മുഖ്യകാര്‍മ്മികനായിരുന്ന മാര്‍പാപ്പ പ്രസ്തുത തിരുക്കര്‍മ്മത്തിന്‍റെ അവസാനം ത്രികാലജപം നയിക്കുന്നതിനുമുമ്പ് നടത്തിയ ലഘു പ്രഭാഷണത്തിലാണ് ഈ പ്രഖ്യാപനം നടത്തിയത്. കുടുംബങ്ങളുടെ ലോകസമ്മേളനത്തിന് ആതിഥ്യം നല്കാ൯ പ്രകടിപ്പിച്ച സന്നദ്ധതയ്ക്ക് ഉന്നത രാജ്യമായ മെക്സിക്കോയിലെ പ്രിയപ്പെട്ട തീര്‍ത്ഥാടക സഭയോട്, മെക്സിക്കോ സിറ്റി അതിരൂപതയുടെ ആര്‍ച്ച് ബിഷപ്പ് കര്‍ദ്ദിനാള്‍ നോര്‍ബേര്‍ത്തൊ റിവേര കറേരയോട് വ്യക്തിപരമായി, ഇപ്പോള്‍തന്നെ താ൯ കൃതജ്ഞത പ്രകാശിപ്പിക്കുന്നുവ‍െന്നും പാപ്പാ പറഞ്ഞു. മെക്സിക്കോ രാജ്യത്തിന്‍റെ തലസ്ഥാനമാണ് മെക്സിക്കോ സിറ്റി.

--------------------------------------------------------------------------------------------------------------------------------------