Неабходнасьць запэўніць рэлігійную свабоду, ў гэтым асабліва аховы правоў этнічных
і рэлігійных меншасьцяў, падкрэсьлілі ўдзельнікі маскоўскага форуму рэлігійных кіраўнікоў.
5-га ліпеня ў сталіцы Расіі закончылася трохдзённая сустрэча зарганізаваная з ініцыятывы
тамашняга Праваслаўнага Патрыярхату. Прыняло ў ім ўдзел больш за 200 прадстаўнікоў
рэлігійных супольнасьцей з 40 краін сьвету. У канчактовым пасланьні Форум асудзіла
тэррарызм ды шуканьне рэлігійных абгрунтаваньняў для пашыраньня насільля. Зроблена
заклік пра зьвярненьне большае ўвагі і пашаны да рэлігійных традыцый і сімвалаў у
школах, сродках масавай інфармацыі ды таксама ў публічных высказваньнях. Выказана
перакананьне, што сусьветны законны, эканамічны ды грамадзкі парадак павінен зьмяшчаць
ў сабе спасланьне да маральных прынцыпаў. Урэшце паклікана народы сьвету да больш
умеркаванага жыцьця і да заангажаваньня ў карысьць справядлівасьці. У часе прэ-канфэрэнцыі
на заканчэньне Форума мітрапаліт Кірыл сьцвердзіў, што адносіны паміж Праваслаўнаю
Царквою а рыма-каталіцкім Касьцёлам “атрымалі новы імпульс”. На ягоную думку да
гэтага прычынілася адназначнае стаўленьне Аляксея ІІ ды Папы Бэнэдыкта 16. “Яны прызнаюць—сказаў
праваслаўны Герарх—што Царква і Касьцёл павінны зрабіць усё, што ў сіле, каб адказаць
на рэальныя надзеі людзей”. Падкрэсьліў пры гэтым, што двухбаковыя кантакты ды удзел
прадстаўнікоў Ватыкану ў маскоўскім форуме сьведчаць пра тое, што Касьцёл і Царква
“ідуць у адпаведным напрамку”.