Iтальянская газета "Correre della sera" прысвяціла артыкул "Усходняй палітыцы" Ватыкану.
- “Усходняя палітыка Вайтылы і польскі след” – такую назву мае артыкул уплывовай
італьянскай газеты “Коррьере делла Сера”, у якім разглядаюцца некаторыя аспекты пачатай
кардыналам Казаролі “усходняй палітыкі” Святога Пасада і прапануецца ўвазе чытачоў
новы дадатак да “балгарскага следа” у вывучэнні абставінаў замаха на Яна Паўла II
у 1981 годзе. Так званая “Ассацыяцыя Агостіно Казаролі” была створана пасля смерці
гэтага вядомага каталіцкага дыпламата ў італьянскім горадзе Бедонія, які знаходзіцца
недалёка ад Пармы. Менавіта у гэтым горадзе ён вучыўся ў семінарыі, якой пакінуў у
спадчыну свой архіў, зараз даступны розным даследчыкам. Тут рэгулярна праводзяцца
навуковыя семінары і падрыхтоўваюцца дакументальныя даследванні па тэмам “халоднай
вайны”, што ўсё больш аказваецца ў цэнтры ўвагі даследчыкаў. Згаданыя дакументы друкуюцца
ў адпаведнай выдавецкай серыі “Святы Пасад і палітыка ў ХХ стагоддзі”. У нядаўна
выданым томе “Тонкая нітка. Ватыканская “усходняя палітыка Агостіно Казаролі”, які
будзе прадстаўлены на сімпозіуме 24 чэрвеня ў Бедоніі, упершыню шырокай публіке падаюцца
сенсацыйныя дэталі аб абставінах замаха на Яна Паўла II 13 траўня 1981 года: у той
дзень, у прыватнасці, на плошчы былі прысутныя супрацоўнікі польскіх спецслужбаў,
у тым ліку будучы забойца святара “Салідарнасці” айца Попелушко, Адам Петрушка.